Rusiyada terrorçuluq ittihamı ilə həbs olunan 15 yaşlı məktəbli, 9-cu sinif şagirdi Arseni Turbin istintaq təcridxanasından məktub yazaraq təcridxanadakı həyatından və həbsxanada 8 kiloqram arıqlamasından narahatlığını çatdırıb.

AzEdu.az "Mediazona"ya istinadən xəbər verir ki, "Memorial" təşkilatı onu siyasi məhbus kimi tanıyıb.

İyun ayında hərbi məhkəmə onu terror təşkilatında iştirak ittihamı ilə 5 il müddətinə azadlıqdan məhrum edib.

Oryol vilayətindən olan 9-cu sinif şagirdinin “Rusiya Azadlığı Legionu”ndan (Rusiyada terror təşkilatı hesab olunur) olan şəxslə yazışdığına görə istintaqa cəlb olunduğu bildirilir.

Xatırladaq ki, Rusiyada dövlətə xəyanətdə suçlanaraq həbs olunan digər məktəbli - Kevin Lik Moskva və Qərb arasındakı məhbus mübadiləsində azadlığa çıxmışdı.