Türkiyənin Manisa bölgəsində yerləşən Nuriyyə tam orta məktəbində içində müxtəlif növlərdə 1.197 kitab olan açıq kitabxana yaradılıb.

Qapısı olmayan, şagird və müəllimlərin istənilən vaxt kitab götürə biləcəyi bu məkan Türkiyə tarixində ilk belə kitabxanadır.

AzEDU Türkiyə KİV-lərinə istinadən xəbər verir ki, Saruhanlı Nuriyyə tam orta məktəbində yaradılan bu kitabxana müəllim, şagird və onların valideynlərinin dəstəyi ilə yaradılıb və istifadəyə verilib. Kitabxananın bazasında türk və dünya klassikləri başda olmaqla, roman, hekayə və şeir kimi müxtəlif janrlarda 1.197 kitab var. 

Nəzrin Cavid